Муниципальное казенное общеобразовательное учреждение "Майорская средняя общеобразовательная школа" Абыйского района

Copyright © 2010 - 2011 | expert-t.ru  
 
 

статья "Эдэр учууталлар курэхтэрэ"

Эдэр учууталлар курэхтэрэ.

Тохсунньу 25 -26 куннэригэр Майыар орто оскуолатын базатыгар «Молодой учитель -2011» диэн конкурс ыытылынна. Биллэрин курдук, эдэрдэр ханна ба5арар, хаhан ба5арар общество тирэнэр тирэ5э, эрэлэ буолаллар. Онон маннык тэрээhин иитэр-уөрэтэр идэни талбыт эдэр киhи инникилээ5ин, сайдыылаа5ын туоhута буолара саарба5а суох.

Конкурска улуус оскуолаларыттан уон биир эдэр учуутал кытынна. Үс туhумэ5инэн барбыт күрэх кыттааччылар бары да5аны үчүгэй бэлэмнээхтэрин , таhымнара үрдүгүн көрдөрдө.

Бастакы күн уруоктары көрүүттэн са5аланна . «Быыс арыйар» бастакы уруоктары Муңурдаах оскуолатыттан сылдьар физика учуутала Иванова Татьяна Николаевна уонна эмиэ ити оскуола омук тылын учуутала Слепцова Ирина Анатольевна ыыттылар. Салгыы икки циклынан (гуманитарнай уонна естественнэй-математическай)уруоктары көрүү буолла.

Иккис түhүмэ5инэн учууталлар бэйэлэрин педагог быhыытынан билиhиннэриилэрэ буолла. Презентациялары көрө олорон «дьэ, кырдьык да5аны улэhит дьон эбит» диэн санаа үөскүүр.

Иккис кун кылаас таhынаа5ы мероприятиелар буоллулар. Манна да5аны эдэр дьон о5ону кытта уопсай тылы була охсоллоро, интэриэhиргэтэллэрэ харахха быра5ыллар. Улууспут оскуолаларыгар саңа суурээн, саңа күүс эбиллибитэ киhини үөрдэр, эрэл кыымын са5ар.

Конкурс тумугэ тахсар долгутуулаах тугэнэ эдэр учууталлар талааннарын кордоруулэринэн са5аланна. Учуутал-сатабыллаа5ын ааhан, араас куутуллубэтэх тугэннэртэн тахсар кыахтаах , талааннаах буолара хайаан да наада . Эдэр дьон манна да5аны толлон –кыбыстан турбатылар: бииртэн биир эриэккэс талаан тахсан истэ.Ол аайы мустубут корооччулэр ытыстарын тыаhа оро хабыллан истэ!Дьэ манна баар эбит талаан талбата,туттуу-хаптыы имигэhэ,ырыа-тойук ылба5айа

Хоhоон хомо5ойо!

Кыттааччылар да5аны, дьүүллүүр сүбэ да5аны тэрээhин үрдүк таhымнаахтык барбытын бэлиэтээтилэр. Кырдьык да5аны,үөрэнээччилэр ,учууталлар, оскуола атын да үлэhиттэрэ бука бары биир киhи курдук тэрээhиңңэ сүүрэн- көтөн кыттыбыт буолан маннык таhымнаах курэх ыытылынна5а дии.

Тумэ тардар тумук тахсан кыайыылаахтар,номинаннар ааттаннылар.Ол курдук

«Молодой педагог-2011» үрдүк ааты Үрүң -Хайатаа5ы Н.Н.Ефимов аатынан гимназия музыка5а учуутала Юмшанова Вилюра Сергеевна ылан кыайыы өрөгөйүн биллэ. Оттон иккис миэстэни Ураhалаах орто оскуолатын омук тылыгар учуутала Корякина Наталья Никифоровна ылыан ылла! Бочуоттаах үhүс миэстэни Майыар орто оскуолатын математика5а учуутала Колесова Вероника Еремеевна ылла.Оттон атын учууталлар маннык номинациялары ыллылар:

«Совершенство»- В.Н.Дохунаев аатынан Муңурдаах орто оскуолатын физика5а учуутала Иванова Татьяна Николаевна, «Виртуальность» -В.Н.Дохунаев аатынан Муңурдаах орто оскуолатын математика5а учуутала Ефимова Ньургустаана Афанасьевна ,

«Воспитание гражданина» - Майыар орто оскуолатын омук тылыгар учуутала Жиркова Анна Сергеевна, «Открытие года»- Абый орто оскуолатын омук тылыгар учуутала Эверстова Александра Дмитриевна, «Многогранность» - С.Ф.Марков аатынан Уолбут орто оскуолатын саха тылыгар учуутала Слепцова Лариса Гаврильевна, «Компетентность» - Үрүң -Хайатаа5ы Н.Н.Ефимов аатынан гимназия математика5а учуутала Петрова Елена Михайловна, «Ступеньки к золотому уроку» - - Майыар орто оскуолатын биология 5а учуутала Неустроева Евгения Владимировна, «Надежда Абыя» - В.Н.Дохунаев аатынан Муңурдаах орто оскуолатын омук тылыгар учуутала Слепцова Ирина Анатольевна.

Конкурс түмүктэннэ ,оттон үлэбит күүстээ5э-күүрээннээ5э иннибитигэр турда5а.

Ба5арыах этибит конкурсаннарга өссө да5аны үрдүк чыпчааллары дабайан үүнэн-үрдээн иhэллэригэр.

Убаастабыллаах коллегаларбыт, үөрэнээччилэрбитигэр сиик тамма5ынан ута5ын ханнарар чыычаах о5отунуу, үрдүккэ көтөр билиини–көрүүнү иңэрэн махтал истин тылларынан кынаттанаргытыгар ба5арабыт.

Н.К.Рязанская Кэбэргэнэ оскуолатын учуутала